Love could sneak in and strike you like a thunderbolt. Dahil ganoon mismo ang nangyari sa akin. I came here determined to hate you but instead, I fell in love with you.
Hindi makapaniwala si Bree nang makilala si Brix. Miyembro kasi ng isang sikat na banda ang lalaki. Lalong hindi siya makapaniwala nang gawan siya ng kanta ni Brix at sinabi pang balang-araw ay pakakasalan siya.
Kaya ganoon na lang ang pagkagimbal ni Bree nang malamang nasangkot sa isang malagim na aksidente si Brix. Pero mas nakagigimbal pala ang kapal ng mukha at tibay ng sikmura ng kapatid ni Brix na si Craig. Hindi pa man kasi nag-iinit sa hukay ang mga lab ni Brix ay sumulpot na ang pesteng kuya nito, pilit na hinihingi ang kopya ng kantang iniwan sa kanya. Nang hindi niya iyon ibigay ay tinawag pa siyang oportunista. Para namang hindi ito ang oportunista sa kanilang dalawa. Hayun nga at mukhang sabik na sabik itong pagkakitaan ang kantang sa kanya naman talaga ibinigay ni Brix.
Handa si Bree na makipagpatayan para sa kanta. Pero hindi siya handa na magising na lang isang umaga na hindi na hinayupak na hudas ang tingin kay Craig kundi isang lalaking masarap na ngang kasama, katakam-takam pa ang hitsura at pangangatawan. Sa madaling salita, gaga na siya. At ang mga gagang kagaya niya ay nakatadhanang masaktan.