Mahirap isingit ang sarili kung alam kong iba ang may karapatan sa puso mo.

Naisip ni Janis na nang paglaruan siya ng kapalaran, fate really had a grand day playing.
Nakilala niya si Matthew sa panahong sariwa pa ang sugat na ginawa sa puso niya ng two-timer na ex niya. She saw him as a hero. Her heart told her he was. Kalaunan, iniilusyon na niya na hero niya ito. Nakinig siya sa bulong ng puso niya.
Ngunit maling-mali pala iyon. Dahil kung kailan natitiyak na niyang dito na nalipat ang dating pagmamahal niya sa kanyang ex, saka naman siya iniwan ni Matthew. Ngunit sa kabila niyon ay dilat na dilat ang kanyang mga mata na inialay pa rin dito ang kanyang puso.
Matalino siya sa palagay niya. Tanga lang ang puso niya. Dahil bakit hanggang ngayon ay mahal pa rin niya si Matthew gayong natuklasan na niyang mas malala pa ito kaysa sa two-timer niyang ex?