“I’m supposed to put a ring on your finger, not to pierce your heart with my sword, my princess.”

Bukod sa paghuli sa nilalang na gusto siyang patayin, plano rin ni Misoo na itatag muli ang Monarchy at wasakin ang Council na pumipigil sa kanya na maging reyna. Naibalik man sa kanya ang titulo, wala naman siyang ibang mapagkakatiwalaan sa Fourth Order maliban kay Lord Wren na alam niyang hinding-hindi siya iiwan at tatraidurin kahit kailan.
Gusto rin niyang magtiwala kay Syndrome. Ramdam niyang nasa kanya pa rin ang loyalty at pagmamahal nito hindi bilang Hunter Clan Head kundi bilang isang lalaki. Pero tuwing naaalala ni Misoo ang ginawa ng angkan ng binata sa kanyang pamilya, mas nangingibabaw ang galit kaysa sa pagmamahal niya rito. Sigurado siyang sa gagawing paghihiganti ay hindi rin siya mapapatawad ni Syndrome. Huli na ang lahat para sa kanilang dalawa at kailangan nilang tanggapin iyon.
Misoo had already declared war against her enemies. Masyado na rin siyang maraming naisakripisyo para huminto pa. Tatapusin niya ang madugong labanan kahit iyon pa mismo ang ikamatay niya.