“Alam mo bang muntik na akong sumuko? Magmu-move on na sana ako. `Buti na lang, binagalan ko. Para mahabol mo ako.”

Bangenge sa pag-ibig. Iyon na si Rea mula nang muli silang magkita ng dating schoolmate at first love na si Juancho na makalaglag-panga ang kaguwapuhan. At ganoon na lang din ang pagkawindang niya nang bigla siyang alukin ng kasal. Naka, tatanggi pa ba siya?
Pero nang gabing makikilala na sana ni Rea ang future in-laws, hindi si Juancho ang umeksena sa harap ng bahay niya para sunduin siya kundi ang equally handsome at machong kapatid nitong si Uno. Ang siste, kikidnapin pala siya ng binata at ipatutubos sa groom-to-be niya! Ang target ni Uno: ang hacienda na pinag-aagawan ng magkapatid.
Sa loob ng dalawang linggong pagiging “kidnap victim” ni Rea ay unti-unti niyang nakilala ang binata—na maasikaso at malambing pala—kaya hindi naiwasang mahulog agad ang kanyang loob dito.
Hanggang sa dumating ang isang gabi na nagdeklara si Uno na ibabalik na siya sa dati niyang buhay. Sa halip na matuwa ay ibig magprotesta ni Rea. Dahil mas gusto na niyang gawing groom ngayon si Uno kaysa kay Juancho…