“Mamahalin kita kahit ayaw mo, at walang makakapigil sa akin.”

Alexa and Ian had been friends since childhood. Laging kasama ni Ian sa mga kaganapan sa buhay niya si Alexa. Lagi namang takbuhan ni Alexa ang bahay ni Ian para tambayan.
Kahit sa kanilang paglaki, gano’n pa rin ang drama nila sa buhay. Until one day, things started to change. May mga ginagawa at sinasabi na si Ian na nakakapagpalito sa puso ni Alexa. At hindi iyon matanggap ng dalaga.
Bakit malilito ang puso niya? They were just friends. Right?
May kinalaman kaya ang nakakabulag na kutitap ng mga Christmas lights sa mga pagbabagong nararamdaman ni Alexa? Kapag natapos ang Pasko, magiging normal na ba uli ang nararamdaman niya? Kung gano’n, bakit tuwing pinagbabantaan ni Ian na babaklasin ang Christmas tree sa bahay nito, laging to the rescue sa pobreng pekeng puno si Alexa?
Teka, parang magulo…
Sabi na, eh. Kasalanan talaga `to ng mga Christmas lights na `yon, eh.