“Oo, makasarili ako. Gusto ko, akin ka lang dahil iyong-iyo rin naman ako.”
Ang akala ni Autumn ay mutual ang feelings nila ni Benjamin sa isa’t isa. Mutual na hindi nila gusto ang isa’t isa dahil nakikita niya iyon sa inisan at asaran nilang dalawa kapag nagkukrus ang mga landas nila. At akala lang talaga pala niya iyon dahil bigla niyang ginusto na makilala pa ito nang lubusan.
Hindi naman siya nahirapan doon dahil nagawa nitong lapitan siya habang “hostage” nito ang isang lihim niya. Ang pag-iinarte niya na ayaw niya sa presensiya nito ay nilunok niya kapalit ng yakap at halik nito.
Hanggang matuklasan niyang may lihim din pala si Benjamin. At nang mahuli siya nitong kausap ang “bearer” ng lihim nito, mukhang nagbabu na ang happy ending nilang dalawa. Sumama iyon kay Benjamin nang iwan siya nito.