Nagsusulat ako ng love scenes at saka happy ever afters. Nanghuhuli ka ng kriminal at ikinukulong mo sila. May mas magkaibang mundo pa ba kaysa sa ating dalawa?
Im not talkin `bout movin in and I dont wanna change your life. Theres a warm wind blowin, the stars are out and Id really love to see you tonight. Iyan ang sintunadong kinakanta ni Nathan nang una itong makita ni Ces, noong nakumpirma niya sa sariling talagang gusto niya ito kaysa sa inaakala niya noong picture pa lang nito ang nakikita niya. Inakala niyang sapat na sa kanya ang iilang beses na pagkikita nila paminsan-minsan at ang relasyon nilang walang seryosuhan, pero hindi pala. Kaya nang si Nathan mismo ang nag-offer na i-level up na nila ang relasyon nila ay anong tuwa niya. Ngunit hindi agad siya pumayag, napagkasunduan nilang mag-isip muna nang maigi at magkita pagkalipas ng isang buwan na walang anumang komunikasyon.
Ngunit bakit hindi dumating si Nathan?