Unang nakita ni Kate si Travis sa Roxas Boulevard kung saan tinulungan siya ng lalaki na mabawi ang camera niya mula sa snatcher. Sa kaguwapuhan ni Travis ay inakala ni Kate na foreigner ito. Muli silang nagkita sa studio kung saan nagtatrabaho si Kate bilang professional photographer. Si Travis naman ay kauumpisa pa lang bilang image editor.
From then on, nagkasunod-sunod na ang kanilang pagkikitahanggang sa magsama sila sa isang project kung saan ang physical attraction na naramdaman ni Kate kay Travis ay nagpagulo sa nananahimik niyang mundo. At sino nga bang babae ang hindi mabibighani sa abuhing mga mata ni Travis? Misteryoso rin para kay Kate kung ano ang kahulugan ng Love is Death tattoo ni Travis na nasa braso nito.
Habang unti-unting nakikilala ni Kate ang katauhan ni Travis, patuloy ring nahuhulog ang loob niya rito. Pero may kahahantungan ba ang isang pag-ibig kung ang puso ni Travis ay takot na magmahal?