I shouldve told you I love you. We were so good together that it didn't cross my mind that words were still important...

Dala ng matinding pangamba para sa kanyang buhay ay pumayag si Waway na magpanggap bilang nobya ng isang mayamang lalaki. Naisip niyang wala namang magandang ibinunga ang pagsunod niya sa puno ng moralidad na pamumuhay. Ang isinukli pa ng tadhana sa kanya ay banta ng kamatayan.
Pinakasalan ni Waway ang milyonaryong computer software developer na si Estevez. Paniwalang-paniwala ang lalaki na siya ang nobya nito sa Internet. Akala ni Waway ay mauuto niya si Estevez at magiging madali na sa kanya ang lahat. Ngunit nawala sa kanyang isip na napakatalino nga pala ni Estevez. Kaya nang mabisto siya ni Estevez, naglaho ang pagiging maamo ng lalaki.
Ngayon, walang ibang gustong gawin si Estevez kundi ang pagbayarin si Waway sa limpak-limpak na salaping nakuha niya sa lalaki, pati na sa kanyang panloloko.
At natuklasan ni Waway na mahirap palang mapagtuunan ng galit ni Estevez, lalo na at sa puso niya ay mayroon nang damdaming romantikong sumibol para lamang sa lalaki...