“It’s just you and me now, baby… Akin ka na. Akin lang.”


Seven days na mananatili si Belle sa Maldives—sa kanyang honeymoon sana. Kahapon sana ang kanyang kasal. Pero hindi iyon natuloy.
Four months ago, namatay sa isang aksidente ang fiancé niyang si Gio.
Kinausap siya ng Tita Gloria ni Gio at sinabing gamitin niya ang gift nito dahil sayang. Baka rin daw makatulong iyon para makalimot siya.
Nang nasa Maldives na si Belle, may lalaking biglang sumulpot sa tinutuluyan niyang water bungalow. Ang guwapo!
Si Luigi Abriol daw ang lalaki, anak ni Tita Gloria.
Nang tanungin niya si Luigi kung ano ang ginagawa roon, ang sagot nito, “Apparently, we’ve been set up by my adorable mother.”
“Hindi totoo `yan. Ba’t naman niya gagawin `yon?”
“She’s playing Cupid, baby.”
“Kamamatay lang ng fiancé ko four months ago,” paalala ni Belle.
“At kabe-break lang namin ng girlfriend ko four months ago,” sabi naman ni Luigi.
May mabubuo bang magandang pagtitinginan sa pagitan ng dalawang sawi sa pag-ibig?