Pero kahit salbahe siya, mahal ko pa rin siya. Kahit igapos pa niya ako sa puno ng niyog at hayaang papakin ng langgam...

Nagtanan si Tetet at ang kanyang boyfriend. Balak nilang magtungo sa Ilocos upang doon magpakasal. But something happened on their way to their destination. Nakilala nila ang isang babaeng takot umuwi sa kuya nito dahil nabuntis ng isang pamilyadong lalaki.
Nagdesisyon si Tetet na tulungan ito. Inihatid nila ang babae sa Hacienda Agoncilia at doon ay nakilala niya ang kuya nito: si Rhett. Antipatiko ang dating ni Rhett sa kanya ngunit hindi niyon naitago ang katotohanang ito ang pinakaguwapong lalaking nakita niya! Alam ni Tetet na mali ang humanga kay Rhett ngunit hindi niya iyon naiwasan.
Sa paglipas ng mga araw, natagpuan ni Tetet na hindi na basta paghanga ang nararamdaman niya sa lalaki. Sa katunayan, nakakadama siya ng selos tuwing nakikita niyang kasama ni Rhett si Rochelle, childhood friend nitong may gusto rito.
Bakit ganoon? tanong niya sa sarili.
Alam ni Tetet ang sagot sa tanong na iyon: nahulog na ang loob niya kay Rhett...