“Mahal kita, and I am very much willing to wait for your heart to feel again, to fall in love again. At kapag nangyari iyon ay sisiguruhin kong ako ang mamahalin mo at hindi ko gagawin kahit kailan na iwan at saktan ka…”

Bumalik si Daniel sa buhay ni Shania sa panahong inakala niyang wala na siyang pag-asa pang makaahon mula sa kinasadlakan niyang kabiguan. Sariwa pa ang sakit na nararamdaman niya nang iwan siya ng boyfriend niya at magpakasal ito sa iba. Pero binigyan siya ni Daniel ng pag-asa sa buhay. Hindi siya nito nilubayan. Lagi itong nasa tabi niya. Ibinuhos nito ang atensiyon sa kanya.
Ngunit nang magtapat ito ng pag-ibig sa kanya ay natakot siya. Hindi siya sigurado sa nararamdaman niya. At nang bigyan na niya ng pagkakataon ang sarili niya na magmahal uli, saka naman sila sumuong ni Daniel sa isang problema—isang problemang dadaig sa pag-iibigan nila at hihila kay Daniel palayo sa kanya. At sa pangalawang pagkakataon, iiwan siya nito.