I have this too much love within myself for you. Kailangan ko na itong ilabas, iparamdam sa `yo, sabihin sa `yo, ipanalangin na sana ay tanggapin mo itong pagmamahal ko.
Love at first sight ang naramdaman ni Fiel para sa photojournalist na si Seth. Pero hindi na niya tinangka pang ipaalam sa binata ang kanyang nararamdaman dahil nasa gitna sila ng giyera at sa takot sa nakagawian ng binata na hindi pagpapaalam tuwing umaalis. Ibinuhos na lamang ni Fiel ang kanyang atensiyon sa mga sugatang sundalong kailangan niyang gamutin bilang doktor.
Pero tila tadhana na ang naglalapit kina Fiel at Seth. Makalipas lang kasi ang kalahating taon ay muling nagtagpo ang mga landas nila. Sa pagkakataong iyon ay hindi na nagsayang ng pagkakataon si Fiel. Ginamit niya ang mga gabing dinadalaw ng masasamang panaginip si Seth at pasimpleng ipinaramdam sa binata ang kanyang pagmamahal.