“Balak mo ba akong iwan? Kung oo, kalimutan mo na iyan dahil hindi ako papayag.”

Cameron used to be a troublesome student back in high school. Kaya nang bumalik siya sa kanyang alma mater bilang isang English teacher ay labis na nagulat ang ilan sa mga naging guro niya noon. Hindi lang alam ng mga ito, na may isang taong naging dahilan kung bakit siya nagbago.
Ang taong iyon ay si Rohan Montecarlo na guro pa rin sa paaralang iyon. Cameron fell in love with him when he was her teacher. Ngunit nang sabihin niya iyon dito ay tinanggihan nito ang damdamin niya. He said her love for him was superficial at mawawala rin iyon paglipas ng panahon.
Ngayong nagkita silang muli ay napatunayan niyang hindi pa rin nawawala ang damdamin niya para dito. Maaari nang mabigyang-daan ang pagmamahal na inihain niya rito noon. After all, hindi na teacher-student ang relasyon nila at hindi na bawal kung humigit pa roon ang relasyon nila. Ngunit ang masakit, sa kabila niyon ay tinatanggihan pa rin nito ang pag-ibig niya.