Gumagaan ang pakiramdam ko kapag nandiyan ka. Ikaw ang unang taong nais kong maging takbuhan.

Ramdam ng herederong si Blake na tulad niya ay attracted din ang abogadang si Olivia sa kanya. Kaya ipinagtataka niya kung bakit palagi na lang itong dumidistansiya sa kanya kahit sa mga pagkakataong magkasama silang dalawa.
Ngunit minsang may dinaluhan silang pagtitipon ay tila nabago na ang taktika ni Olivia. Malinaw sa mga kilos at tingin ng dalaga ang subtle seduction na ginagawa sa kanya. Nainis siya at dinala ito sa dance floor. Hindi niya akalain na magiging mapangahas si Olivia sa pang-aakit na ginagawa sa kanya. Sa bawat pagsulong at pag-atras ng kanilang mga katawan habang magkasayaw, pakiramdan niya ay nagniniig sila sa gitna ng publiko.
Lumalagablab ang apoy sa pagitan nila ngunit isa man sa kanila ay walang gustong sumuko. Hanggang sa sabihin nitong: Kiss me Take me home with you
Humulagpos ang pagtitimpi ni Blake. Ano pa ba ang gagawin niya sa ganoong request?