“Hindi pa ako puwedeng mamatay. Pakakasalan pa kita.”


“Mom, I think crush ka ni idol chief.”
Gustong mag-blush ni Cana sa sinabing iyon ng kanyang anak. Ang tinutukoy ni Simon ay si Ice Raymundo, ang police officer na makapagpapabago ng tingin ninuman sa pangit na image ng kapulisan. Hindi lang kasi guwapo si Ice, mukhang mabait pa. And her son looked up to him.
At thirty-two at single mom pa, kontento na si Cana sa pagkakaroon ng bibong anak at wala nang balak pang makipagrelasyon.
Pero heto nga si Ice, sinasabi ng kanyang anak na may crush sa kanya. Ayaw sana niyang bigyan ng kahulugan ang pagbibigay nito ng tatlong chocolate cupcakes. Hindi na siya teenager para ipakahulugang “I love you” ang ibig sabihin ng tatlong cupcakes na iyon.
Pero paano mababale-wala ni Cana ang mga tingin ni Ice sa kanya na puno ng affection and admiration?
Lalo nang humina ang depensa niya noong New Year’s Eve kung saan silang dalawa lang ang naiwan sa bahay niya at makita siya nitong naka-bathrobe lang…