"Nakakahiya mang aminin, pero totoong hindi pa ako nagkaka-boyfriend. At ikaw... ikaw na pinakamayabang na lalaking nakilala ko. Ikaw ang first kiss ko!"

Dull daw ang love life ni Beretta. Ngunit determinado siyang patunayan sa mga kapatid niyang mali ang mga ito.
"Kailangang magka-boy friend ako ngayon." Aniya sa kaibigan niya; Ang unang lalaking magpapa-cute sa akin mamayang uwian. Siya na ang magiging boyfriend ko."
Kaya nga nang matapos ang kanyang duty sa ospital nang araw na iyon, malilikot ang mga mata niya habang naglalakd sa lobby.
"Beretta!"
Saglit siyang natigilan. Kasabay ng pagkabog ng kanyang dibdib ay ang paghagilap ng mga mata niya sa nagmamay-ari ng pamilyar na tinig na iyon.
There he was! Si Kristoffer! I wanna take you home," sabi nito nang makalapit ito sa kanya.
She was silent for a moment. Naalala niya ang sinabi niya.
At mukhang nagpapa-cute na sa kanya ang antipatikong doktor na nagpatibok ng kanyang puso una pa lang niya itong makita.
Ngunit ang tanong: Maging boyfriend naman kaya niya ito?