Alam mo bang naging corny ako mula nang makilala kita? Pero hindi ako umaangal.
In fact, I like this feeling. I liked being crazy and corny like this `cause its all because of you.

Isang probinsiyana si Francey na pinalad makakilala ng isang green-eyed na malaprinsipe at mala-Adonis na tulad ni Rock Chevalier. Unang pagkikita pa lamang nila ay mabait na ang binata sa kanya. Naging malapit sila sa isat isa hanggang sa isang araw ay magtapat ang binata na may nararamdaman itong espesyal sa kanya.
Dahil kay Rock, naranasan ni Francey ang tamis ng unang pag-ibig. Ngunit dahil din kay Rock at sa taong batid ni Francey na kailanman ay hindi kayang talikuran ng binata para lamang sa kanya, naranasan niya ang pait na dulot ng pag-ibig.
Maraming taon ang lumipas bago muling nagkita sina Francey at Rock. Upang mapagtakpan ni Francey ang pait na dulot ng kahapong nagpahiwalay sa kanilang dalawa ay nagpanggap siyang ibang tao sa paningin ng binata.
Subalit hindi ganoon kadaling papaniwalain si Rock. Upang makasiguro ang binata na siya o hindi nga siya ang babaeng matagal na raw nitong hinahanap ay ipinadukot siya ng binata at dinala sa isang isla kung saan isang linggo silang mananatili. Mapaninindigan kaya ni Francey ang pagpapanggap gayong lihim na nalulusaw ang nagmamatigas niyang puso sa isang tingin at ngiti lamang ng binata?