I love you so much. Noon pa. Pero natatakot akong sabihin o ipaalam dahil baka hindi mo naman talaga ako mahal.

Hindi por que magpapakasal ako sa `yo ay puwede mo na akong sakalin sa leeg! mariing sabi ni Agatha kay Edric.
Hindi ito sumagot. Bigla na lamang nitong ikinawit ang kamay sa leeg niya at hinalikan siya sa mga labi. Isang halik na sa una ay mapagparusa, ngunit unti-unti ay naging masuyo.
Tinangka niyang pumalag, ngunit hindi na siya makawala sa makapangyarihang bisig ni Edric na agad na yumakap sa kanyang basang katawan.
Isang malakas na sampal ang pinadapo ni Agatha sa pisngi ni Edric nang pakawalan siya nito. You, sonofabitch! exasperated na sigaw ni Agatha. I hate you! I hate you!
Parang tinamaan ng isa pang sampal si Edric nang padabog niyang isinara ang pinto sa mukha nito. May gumuhit na kirot sa puso nito pagkatapos niyon.
Hindi pa rin hawak ni Edric ang puso ni Agatha. Despite the fact that they were getting married in three months time.