“Limited edition ang katulad ko.”


Walang nagtatangkang banggain si Jane Fuentes. Wala siyang inuurungan, siguro dahil na rin sa kanyang boyish personality.
Lumaki kasi siyang mga lalaki ang laging kasama, kaya na-adapt din niya ang pagkilos ng mga ito pati na ang pananamit. Noong nasa college, akala ni Jane ay babae rin ang gusto niya katulad ng mga kapatid. Iyon ang dahilan kung bakit itinuring niyang karibal noon si Brandon Wesley Scott—ang weirdo na lalaki na may gusto sa kanyang matalik na kaibigan.
This weird man never failed to annoy her, kahit noong muli silang magkita makalipas ang ilang taon. Pero sa kabila ng pagkainis, hindi maintindihan ni Jane kung bakit hindi siya makatanggi sa mga hiling ni Wesley, kung bakit patuloy siyang sumasama sa mga kalokohan nito, nakikinig sa bawat kuwento.
Hanggang sa ma-realize ni Jane na nahuhulog na siya sa binata. And that Wesley was not her rival anymore. Sa halip, nakikipagkompetensiya na rin siya para sa puso nito. Pero alam ni Jane na imposible iyon. Wesley liked her friend. Imposibleng tingnan siya nito bilang isang babae…