“Kung wala kang gusto sa akin, bakit mo ako hinalikan?”
Nagbalik-bayan si Xeena para sundan ang crush niyang si Silvanus Arellano. Pero sa halip na ang lalaki ang matagpuan niya sa address nito, isang lalaking nagngangalang “Vincent Noblejas” ang naroon. Guwapo sana ito, kaya lang ay antipatiko at bossy. Hate pa naman niya ang dalawang katangiang iyon. Gusto kasi niyang siya ang laging nasusunod.
Pero bakit ganoon? Natagpuan ni Xeena ang sariling sunod-sunuran kay Vincent at wala siyang maramdamang pagrerebelde.
Hindi maaari! Hindi siya in love dito!