I did everything to look good. Dahil gusto kong magustuhan mo ako.

Sa dinami-rami ng babae sa mundo ay sa isang Antonette Araujo pa na-in love si Evan noong sixteen years old siya. Isang boyish na dalagita si Tonet at tila parating siya ang target na pag-practice-an ng mga technique sa judo at karate. Gayunman ay hindi natigatig si Evan. Ginawa pa rin niya ang lahat upang magkalapit silang dalawa.
Ngunit tinanggihan si Evan ni Tonet dahil daw sa kanyang hitsura. Dahil doon ay nagsikap siyang baguhin ang sarili. Makalipas ang sampung taon ay nagtagumpay siya. Pero kahit wala na ang makapal na salamin at hindi na rin siya payat ay tila wala pa ring pag-asang magustuhan din siya ni Tonet. And not even a kiss could bend her. At kahit gustuhin man ni Evan na tumigil na at lumayo na sa dalaga ay hindi naman niya kaya. His heart seemed to be exclusively hers.