Hindi ko pala kayang mabuhay nang wala ka dahil kahit pilit kong pinaglabanan ay nagtagumpay ka pa ring makuha ang isang bahagi ko na ayaw ko na sanang tumibok para sa iba.
Nadala na si Meg Shannon sa mga lalaking barumbado kaya naman isinumpa na niya ang mga lalaking may bad-boy image. Thus, she launched Oplan Search for Mr. Compassionate. At hindi naman siya nabigo.
She found GJ, ang lalaking handang isugal ang sariling buhay masagip lang ang alaga nitong aso mula sa isang gusali na malapit nang mag-collapse. Isa itong animal trainer, at ito rin ang lalaking isinumpa niyang mapapasakanya dahil alam niyang hindi siya masasaktan dito.
Pero nagkamali yata si Meg ng akala dahil ang inakala niyang ubod ng bait ay ubod pala ng sungit. Ngunit alam niyang sa likod niyon ay pagkukunwari. Therefore, she launched another program: Taming GJ. At hindi siya susuko hanggat hindi niya napapasunod ang lalaki sa tanging nais niyaang mahalin din siya nito.