“Kapag nagka-girlfriend ako, ayoko ng katulad mo. Gusto ko… ikaw mismo.”

Mala-Cinderella ang drama ng buhay ni Lyra. Nang mamatay ang kanyang ina, itinira siya ng ama sa mansiyon at nagkaroon ng instant wicked stepmother and evil half sisters na walang ginawa kundi pahirapan siya. Ang kanyang lolo ang nagsilbing fairy godfather niya. Pinamanahan siya nito and she was Cinde-Lyra no more.
But wait—like in Cinderella’s story, hindi rin mawawala sa eksena si Prince Charming. Isang araw, may dumating na isang prinsipe sa kanilang bahay—dala-dala ang makasaysayang sapatos! Naghahanap ng mapapangasawa si Prince Julian at kung kanino man magkasya ang sapatos, well, she’d be the lucky bride. Too bad, hindi kabilang si Lyra sa mga karapat-dapat na magsukat dahil sa pagiging anak sa labas.
Pero nang wala nang tao sa paligid, walang-pakundangang isinukat ni Lyra ang sapatos. To her bewilderment, nagkasya iyon sa kanya! Ganoon na lang ang kaba at hiya niya nang mahuli mismo ni Prince Julian ang ginawa niyang kapangahasan.
So, just like Cinderella, Lyra started running away from her Prince Charming. Sana lang ay hanapin din siya nito…