Huwag kang tumingin sa akin nang ganyan at baka makatikim ka sa akin ng kiss!
Kahit hirap ay nagawa ni Tata na makapagtapos ng pag- aaral subalit wala naman siyang mapasukang trabaho. Kaya nagtitiyaga muna siyang mamasukan bilang magician at minsan ay mascot sa RRJ Party Needs.
Subalit sa isang childrens party ay nasapak niya ang isang guest pagkatapos siyang mapagkatuwaang itulak sa swimming pool habang suot ang costume ni Barney. Dahilan upang matanggal siya sa trabaho.
Desperada na siyang magkatrabahong muli kaya lakas- loob niyang pinuntahan ang ninang niyang dalawamput apat na taon na niyang hindi nakikita. Suwerte namang nangangailangan ng sekretarya ang anak nito.
Ngunit nang makita niya ang anak ng ninang ay hindi niya malaman kung sinuwerte o minalas siya. Dahil ang anak nito ay siya ring guest sa party na nagtulak sa kanya!