Nagulo ang tahimik na buhay ni Daryeinne nang makilala niya ang antipatiko ngunit guwapong si Caldwell. She fell in love with him. Ang akala niya ay pareho sila ng naramdaman para sa isa't isa kaya ibinigay niya ang sarili dito.
    Pero laking pagsisisi niya nang mabatid na gusto lang palang maghiganti ng ina nito sa kanya at si Caldwell ang ginamit nitong instrumento. Dulot ng mga pangyayari ay nagkalayo na sila.
    Ilang taon din ang dumaan nang magkita silang muli. Ang pasaway na puso niya ay parang nagkabuhay nang masilayan ito. Panay ang pigil niya sa kanyang damdamin ngunit napahinuhod na naman siya nito.
    Ano na naman kaya ang hatid nito sa pagbabalik sa piling niya, lalo pa't nalaman niya sa fiance daw nito na kaya lang bumalik si Caldwell sa kanya ay dahil may kukunin itong bagay sa kanya na pag-aari din nito?