“Masyadong maiksi ang buhay nating mga tao para mag-alinlangan at para palampasin ang isang bagay na dapat nagpapasaya sa atin…”

One month na rin payapa ang bayan ng Tala, pero nagsimulang mambulabog ang kakaibang huni ng libo-libong ibon tuwing alas-tres ng madaling-araw.
Nalaman ng spiral gang na omen birds pala ang mga iyon. Mensahero ng mga diyos para magbigay-babala sa paparating na panganib.
Hanggang sa may isa pang dumating na masamang pangitain—magkakaroon ng blood moon.
Isang gabi, inatake ang spiral gang ng mga allawig at anino ng dilim sa mismong sitio nila. Pero thank you kay Lukas kasi nakaligtas sila sa pag-atake.
Pero umpisa pa lang pala iyon.
Dahil sa ibang lugar ng Tala, nagbubukas ang daan sa pagitan ng bayan nila at ng Nawawalang Bayan. Nagpupumilit lumabas ang mga nilalang ng kaguluhan, gusto manggulo at pumatay…