Malaki ang problema ni Ginny. Sa kagustuhan niyang makuha ang masuwerteng bracelet na pag-aari ng babaeng kliyente niya ay nakipagkita siya sa boyfriend nito na si Calixto. Hangad niyang maayos ang relasyon ng mga ito para ibigay na sa kanya ni Lorrie ang bracelet.

May sarili rin palang agenda si Calixto kaya agad na pumayag itong makipagkita sa kanya. Naguluhan siya nang sabihin nitong kailangan nito ng asawang masama ang ugali at siya ang pinagpapanggap nito. Babayaran daw siya nito ng limang libo bilang kabayaran sa isang araw na “trabaho.”

Pumayag naman siya.

Natulog silang magkatabi at magkayakap.

Ang problema, iginigiit nito na may nangyari sa kanila kahit matay man niyang isipin ay wala siyang matandaan. Pero iginiit pa rin nito na mayroon. Peksman daw.

Paano nangyari ang “nangyari” nang hindi niya nalalaman?