Unknowingly, you captured my heart.

Sampung taong namahay sa puso ni Jelyka ang galit dahil sa pang-iiwan sa kanya ni Hugo, ang lalaking una niyang minahal. Sa mga panahong iyon, si Kenneth ang naging karamay niya sa kalungkutan.
Hanggang isang araw, napagtanto niya na attracted na pala siya rito. Itinuro nito sa kanya kung paano siya magsisimula. Ipinalasap ni Kenneth sa kanya kung paano uli umibig.
Handa na sanang maranasan uli ni Jelyka ang mahalin at magmahal nang matuklasan niya na isa pala ito sa mga nakakaalam ng katotohanan kung bakit nakipaghiwalay sa kanya si Hugo.
Hindi matanggap ni Jelyka na ang kinamuhian niyang tao ay hindi pala dapat kamuhian. Higit sa lahat, hindi niya matanggap na ang lalaking natutuhan niyang mahalin ay kabilang sa mga taong nagsinungaling sa kanya sa napakahabang panahon.