How did you come so far deep in my heart?

Dumating sa buhay ni Sara Aban si Aldrich Madrigal isang gabing pakiramdam niya ay galit sa kanya ang kapalaran. Jobless, walang pera, at bigo sa pag-ibig. She thought she had found a real-life Prince Charming. Ngunit ang natagpuan pala niya ay ang prinsipe ng mga palakasuplado, antipatiko, arogante, mayabang, at saksakan ng... guwapo.
Type niya sana kaya lang ay may agenda pala ang binata sa paglapit sa kanya. Nais ni Aldrich na kumbinsihin niya ang kanyang Lolo Nato na ibenta ang kapirasong lupain na nakakasagabal sa pag-develop ng golf course sa kanilang sitio. Kaagad niyang tinanggihan ang lalaki.
Pero likas na persistent at matalinong negosyante, gumawa ng paraan si Aldrich upang mapalapit sa kanilang maglolo. At pinagpanggap pa siya nitong maging nobya kaya nawindang ang kanyang puso. Sukat ba namang bumanat pa ito ng linyang, Dahil sabi mong mukha akong prinsipe, ikaw ang magiging prinsesa ko.
Sinikap paglabanan ni Sara ang kanyang nadarama. Ngunit sadyang mahirap kalabanin ang puso, lalo pa nga at may katugon din iyon.
Simpleng problema? Hindi. Dahil kung kailan malapit na silang magkaunawaan ng damdamin ni Aldrich ay saka naman natuklasan ng pamilya ni Sara kung sino talaga ang binata.