Sabi nila, kapag may crush ka raw sa isang tao, madaling titigan ang taong iyon pero mahirap lapitan.
Puwes, ibahin ninyo si Chiara. She was willing to do crazy things just to get the attention of Daniel Milliscent Ford or better known as Dami. Second year college siya nang magkaroon siya ng “pagsintang pururot” kay Dami. And it all started when he became her “knight in shining wet payong” one rainy afternoon.
Ilang beses na nga siyang nagpapansin sa binata pero laging walang epekto. Kaya nang sa wakas ay nag-exist na siya sa mundo ni Dami, hindi na siya nagsayang ng oras. Itinodo niya ang pagpapa-cute dito. She did everything just to make him fall for her.
And one day, Dami did. Si Chiara na yata ang pinakamasayang tao dahil doon.
Pero may kasabihang, hindi nagtatagal ang magagandang bagay. Dapat pala ay nag-ingat siya. Dahil hindi niya inakalang sa bandang huli, dudurugin lang ni Dami ang puso niya…