Hindi ko pala kayang mawala ka sa buhay ko.
Attracted si Rosebud kay Merville, ang driver ng resort na mina-manage niya at halatang may nararamdaman din ang lalaki para sa kanya. Ngunit pinipigilan ni Rosebud ang sarili dahil alam niya na pamilyadong tao si Merville. Ngunit nang mapansin niyang kumikilos ang lalaki ng iba sa totoo nitong pagkatao ay nagsimula nang bumangon ang takot kay Rosebud. Hanggang sa malaman niyang nagpapanggap nga talaga ito at Vito ang totoong pangalan.
Nang aminin sa kanya ni Vito na single ito at walang pananagutan ay hinayaan ni Rosebud ang sarili na magpatangay sa nararamdaman niya para sa binata. Ipinaramdam sa kanya ni Vito kung gaano siya kahalaga. Unti-unti nang nahuhulog ang loob ni Rosebud kay Vito at okay na sana ang lahat sa pagitan nila kung hindi lang natuklasan ni Rosebud na sa pangalawang pagkakataon ay niloko siya ni Vito. Inilihim ni Vito kay Rosebud ang totoong katayuan nito sa buhay.