I came so close to losing you. I never wanted to experience that feeling again because it would probably kill me.

Nang unang magkrus ang mga landas nila ni Drew ay rumaraket lang si Bianca bilang isang pekeng medium na may kakayahang makipag-usap sa mga kaluluwa. Kaya noong una pa lang ay alam niyang isang manloloko ang tingin nito sa kanya.
Tinalikuran na ni Bianca ang lumang gawain niya at nagtrabaho siya nang marangal pagkatapos niyon. Ngunit sa kasamaang-palad ay mapipilitan na naman yata siyang gampanan ang lumang papel niya. At kasama na naman si Drew sa eksena.
Sa pagkakataong iyon nga lang ay sumusumpa siya na hindi na kunwa-kunwarian lang ang mga nakikita at nararamdaman niya. Totoong tila may nagpaparamdam sa kanya. Isa na roon ang kaluluwa ng napatay na nobya ng kapatid ni Drew.
She wanted to get to the bottom of things. Hindi nga lang inakala ni Bianca na sa pagnanais niyang tuklasin ang mga pangyayari ay malalagay sa peligro, hindi lang ang puso niyang nahulog na nang tuluyan sa binata kundi pati na ang mismong buhay niya.