Hindi ko kailangan ng kahit anong motivation para ipaglaban ang damdamin ko para sa `yo. Sapat nang dahilan na mahal kita.”

Sa murang edad ay natutong umibig si Belle kay Ivandro, ang nakatatandang kapatid ng best friend niya. Naging maganda ang pagsasama nila para sa batang puso niya dahil kahit hindi sila pormal na magkasintahan ay nakatitiyak siyang mahal siya ng binata. Iyon ang inakala niya hanggang sa matuklasan niyang nagkamali siya.
Lumayo si Belle at nang sa palagay niya ay nakalimutan na si Ivandro ay muli siyang bumalik sa bansa. Subalit muli rin itong bumalik sa buhay niya, claiming that he truly loved her even in the years that had passed. Ngunit hindi nagkakasundo ang puso at isip niya. Maniniwala ba siya sa mga sinasabi ni Ivandro gayong nang minsang naniwala siya ay sinaktan siya nito nang labis?