"Dahil sa `yo ay natuto akong magmahal."



Creslyn and Frix started out at the wrong foot. Napaka- romantic pa naman ng ambience sa Party of Destiny, pero hayun silang dalawa at nagbabangayan dahil lang sa isang bagay. Hinalikan kasi si Creslyn ng binata. Ang argumento naman ni Frix, nakisunod lang daw ito sa palaro ni Lolo Kupido na Kiss of Destiny.

Hiling ni Creslyn na sana ay huwag na niyang makita uli ang antipatikong lalaki. Isang hiling na hindi pinagbigyan dahil nakatakda pala niyang makatrabaho si Frix sa mall na ipapatayo ng kanyang ama. Nadiskubre niyang hindi naman pala mayabang ang lalaki. Humanga rin siya sa angking galing nito bilang engineer.

Hanggang sa natagpuan na lang ni Creslyn ang sariling umiibig na sa binata.

Alam ni Creslyn na ganoon din ang nararamdaman ni Frix sa kanya. Dama niya iyon sa mga yakap at halik nito. Ngunit nagkamali siya. Nagbabalatkayo lang pala si Frix. Pinlano nitong paghigantihan ang kanyang mga magulang dulot ng isang trahedya ng nakaraan na si Creslyn ang may gawa!