"You are my destiny. You 're the only man I want" to spend the rest of my life with. The man I want to be with until my last breath." Hinulaan si Jade na ang lalaking nakatakda para sa kanya ay makikilala niya sa isang hindi inaasahang sitwasyon at may initials na "RVT" Pinanghawakan niya ang hula, umasang magkakatotoo iyon. Kaya naman nang makatanggap siya ng invitation sa Party of Destiny ay dumalo siya. At sa game na Kiss of Destiny, aksidente niyang nahalikan ang isang lalaki na ang pangalan ay Robert Villamor Torres. Masyadong mailap si Robert. At sa paniniwalang ang lalaki ang tinutukoy sa hula, ginawa ni Jade ang lahat upang mapalapit ang loob ng binata sa kanya. Kung kailan nagbubunga na ang kanyang paghihirap—mukhang nahuhulog na rin ang loob nito sa kanya—ay saka naman nakilala ni Jade ang pinsan ni Robert na si Raven sa isa ring hindi inaasahang sitwasyon. Si Raven Villamor Tan, o RVT. Naguluhan siya. Sino sa dalawang RVT ang totoong nakatadhana sa kanya?