“You already had me with your smile. Hindi ka palangiti pero tuwing nginingitian mo ako, pakiramdam ko ay tumatama ako sa lotto maski hindi naman ako tumataya.”    Buong buhay ni Jessica, wala siyang ibang ninais kundi taas-noong maipakilala ng ama sa buong mundo. Subalit kahit ano ang gawin niya, tila malaki pa rin ang kulang. Kaya naman sa halip na ipagpilitan ang sarili sa kinikilalang pamilya ay pinili na lang niyang mamuhay sa Maynila, malayo sa mga taong kayang manakit sa kanyang damdamin.  Pagkalipas ng maraming taon, kinailangang bumalik ni Jessica sa Cebu dahil sa isang pangako sa pinsan—kay Jerlyn. Ang usiserong kakilala ni Jerlyn—si Tyler—ang naatasang sumundo sa kanya sa airport.  Hindi pa doon natapos ang panto-torture ng tadhana kay Jessica. Dahil pagkatapos ng mahalagang okasyon sa buhay ng pinsan, hindi na siya tinantanan ni Tyler. Saan man siya magsuot, parati itong sumusulpot, palaging nag-uusisa. Iyon pa naman ang pinakakinabubuwisitan niya sa lahat. Kahit naipagtabuyan niya palayo at tarayan nang todo-todo ang lalaki ay hindi naman umeepekto. Hanggang sa nagawana nitong makalapit sa untouchable niyang puso.  Pero kung kailan naman natutuhan na ni Jessica na buksan ang sarili kay Tyler, saka niya nalaman na nakikipaglapit lamang pala si Tyler para tuparin ang pangako nito sa batang kaklase nito noong nasa nursery pa lamang sila. Pangako na halos nakalimutan na ni Jessica.