Krised believes a handsome boyfriend equates heartbreak, kaya panay “may hitsura lang” ang lalaking pinagbigyan niya ng kanyang puso—para lang sunod-sunod na saktan ng mga iyon. Ang dahilan: hindi kasi niya isinuko sa mga naging boyfriend ang “Bataan.”
Noon naman niya nakita si Hassan, ang sobrang guwapong suitor niya noong college na pinili niyang iwasan dahil nga sa pinaniniwalaan, kahit na ang totoo ay crush niya ito. Nagrerebelde siya at bigo kaya nilapitan niya ang binata at ginawa ang pinakatanggi-tanggi niyang ibigay sa mga lalaking nanakit lang sa kanyang puso—she gave herself to Hassan.
At mukhang endangered species na talaga si Hassan dahil handa raw itong panagutan ang nangyari sa kanila. Nag-alok ito ng kasal! At siyang si luka-luka, tumanggi!
Ang mga hindi nga kaguwapuhan, nagawa siyang ipagpalit sa iba, si Hassan pa kaya na almost perfect na?
Pero nagbunga ang kapusukan nila. Ngayon, mukhang siya naman ang kailangang maghabol kay Hassan…