"Ako lamang ang magsasabi kung nararapat ito o hindi, mahal kong Diana. Matagal akong nagtiis, kaya hayaan mong patunayan ko sa`yo ang pagmamahal ko."

Huminto ang mahiwagang lalaki sa harapan ni Diana. Hindi pa rin nito inaalis ang malagkit na titig sa kanya.
Yumukod ito sa kanyang harapan. "Hanz Amores, ang iyong hamak na lingkod," sabi nito habang inaabot ang kanang kamay niya na agad na dinala sa mga labi at hinagkan'nang marahan at matagal.
"Hanz..." mahinang usal ng dalaga' Napapikit siya nang madama ang mainit na mga labi ng binata.
"Diana, mahal ko," sagot naman nito. Pagkatapos ay hinapit siya nito sa bewang at nilapatan ng nag-aapoy na halik sa labi.
Biglang napabalikwas si Diana. Nananaginip lamang pala siya! Napanaginipan niya ang kanyang karnal na kaaway na may balak umangkin sa kanyang asyenda.
Dapat siyang mag-ingat. Tuso ang lalaki at dapat ay maging tuso rin siya!