Alam mo, Brad, mahalin mo lang ako ay sapat na.

Gene, tigilan mo na si Maggie, utos ni Brad sa kanya. Hindi siya pumapatol sa tomboy, anitong nanlilisik na sa galit ang mga mata. Anong sabi mo? naguguluhang tanong ni Gene. Nagsumbong sa akin si Maggie. Nililigawan mo siya, kinukulit, at pinipilit. Hindi ko siya nililigawan, tanggi niya sa paratang ni Brad. Sinungaling si Maggie. Napakalaking sinungaling! Sino ngayon ang paniniwalaan ko sa inyong dalawa? Itinikom na lamang ni Gene ang kanyang bibig. Maging ang luhang nais pumatak sa mga mata ay pilit niyang pinigilan. Hindi maniniwala sa kanya si Brad, kahit pa bato na ang iluha niya. Hindi siya tomboy. Sa katunayan ay umiibig siya kay Brad. At napakasakit isiping kung sino pa ang lalaking nagpabago sa kanya ay siya pang unang huhusga ng kanyang pagkatao...