Lihim na minamahal ni Leon si Jessica pero may fiancé na ang babae—si Aaron na kababata niya at matalik na kaibigan. Sinubukan ni Leon na kalimutan ang pagmamahal kay Jessica dahil para sa kanya ay maling mahalin ang isang babae na pag-aari na ng iba, lalo na kung ang taong karelasyon ng babaeng minamahal ay pinagkakautangan ng loob ng kanyang pamilya. Malaki ang tiwala ni Aaron sa kanya at itinuturing siya na parang kapatid.
Pero kahit anong iwas ang gawin ni Leon, may mga sitwasyong parang birong pinaglalapit pa sila ni Jessica sa isa’t isa. Hanggang sa bumigay ang kanyang depensa. Inamin niya kay Jessica ang nararamdaman at nagkaroon naman iyon ng katugon. They had a secret affair.
Alam nilang masasaktan nang husto si Aaron, pero buo na ang kanilang desisyon na ipagtapat dito ang lahat.
Saan sila dadalhin ng kanilang lihim na relasyon na nagsimula sa isang pagkakamali? Sapat na ba ang kanilang pagmamahalan para maging maligaya at magkaroon ng katahimikan?