Nakilala ni Caitlin si Gabriel nang muntik na siyang mabangga ng sasakyan nito. Inakala niyang pagsusupladuhan siya nito, pero hindi ganoon ang nangyari. Doon nagsimula ang pakikipagkaibigan nito sa kanya hanggang sa magtapat ito ng damdamin sa kanya. Ganoon na lang ang tuwa niya dahil may katugon pala ang instant attraction niya rito. Naging bahagi na ito ng buhay niya dahil sa lahat ng dagok sa buhay niya ay naroon ito at hindi siya pinabayaan.
Ngunit nakatakdang mabago ang relasyon nila nang makilala niya ang half sister niyang si Sahara na ex-girlfriend pala ni Gabriel. Nagtungo ang mga ito sa Amerika nang walang kaabug-abog at naiwan siya. Dulot niyon ay nagrebelde siya. Tinanggap niya ang alok sa kanya na maging sexy model. Sumikat siya sa larangang iyon.
Ngunit ngayong bumalik na si Gabriel, bakit parang yelo na natunaw ang galit niya rito?