Kahit kailan, hindi naging mali ang magmahal. Maaaring magmamahal tayo ng maling tao, o magmamahal sa maling pagkakataon, pero kahit kailan ay hindi naging mali ang pagmamahal dahil isa iyon sa mga bagay na iniregalo ng Diyos.

Si Samantha ay fresh out of college at nagtapos ng MassCom. Isang TV station lang ang nais niyang pagtrabahuhan kung saan doon nagtatrabaho ang idol niyang si Anthony.
Si Anthony de Dios ang sikat na host ng isang kilalang morning show sa TV. Tall, dark, handsome, pinagpapantasyahan ng maraming chicks, at ngayoy may sex video scandal.
Pero, bale-wala ito kay Samantha. Hindi siya naaapektuhan. Idol, `wag kang makikinig sa sasabihin ng iba. `Wag kang mag-alala! Kahit ano pang kontrobersiya ang kasangkutan mo, ikaw pa rin ang idol ko! Handa akong ipagtanggol ka sa mga mang-aapi sa `yo!
Ganyan ka-dedicated si Samantha kay Anthony dahil alam niya, at sigurado siya, na sila ang nakatakda sa isat isa.
At ngayong naging trainee na siya sa mismong TV show ng lalaki, gagawin niya ang lahat para maging boyfriend si Anthony.