Makinig ka. Kahit anong mangyari, ipaglalaban kita. Ipaglalaban ko ang pagmamahalan natin. Gagawin ko lahat ng makakaya ko para makasama lang kita.
Inosente, konserbatibo at walang kamuwang-muwang ang probinsiyanang si Summer. Ngunit natuto siyang mamuhay sa maingay at magulong siyudad ng Maynila at makibagay sa mga taong nakatira dito nang dahil kay Clyde, ang lalaking sa huli ay napilitang magmagandang-loob na kupkupin siya sa pamamahay nito sa loob ng dalawang linggo kapalit ng paninilbihan bilang personal assistant ng lalaki.
Pero bukod sa wastong pakikibagay at pamumuhay sa siyudad, hindi inaasahan ni Summer na isa pa sa mga matututunan niya sa lalaki ay ang kung paano magmahal. Tama, sa unang pagkakataon ay tumibok ang puso ng probinsiyana. Na-in love siya kay Clyde na sa mga panahong iyon ay sobrang mahal pa rin ang ex-girlfriend at best friend na si Lian.
Ginawa ni Summer ang lahat para makalimutan ni Clyde ang nakaraan. At dahil palagi silang magkasama, hindi na napigilan ni Clyde na mahulog ang loob sa probinsiyana. Naging masaya ang pagsasama nina Clyde at Summer. Ngunit nagbabadya itong masira nang dahil sa muling pagbabalik ni Lian sa buhay ng binata.
Sino ngayon ang pipiliin ni Clydeang nakaraan o ang kasalukuyan? Sa huli, mapapatunayan nga kaya na ang kutsara ang talagang kapareha ng tinidor, gaya ng sinabi ni Clyde kay Summer?