“When you stopped being all over me, para akong nawalan ng bagay na mahalaga sa akin.”

Sa tagal ni Coffee bilang isang showbiz reporter, walang sekretong hindi niya alam tungkol sa mga celebrity. At kung mayroon mang hindi niya alam, gumagawa siya ng paraan upang malaman iyon. Ngunit may isang tao na medyo nahihirapan siya—si Ace Ricafort, isang sikat na modelo. Kahit ano ang kanyang gawin ay wala siyang mapiga tungkol sa mga personal na bagay tungkol dito.
Ngunit isang gabi, aksidenteng nalaman ni Coffee ang pinakama- tinding sekreto ng lalaki. Hindi itinago ni Ace ang inis at galit sa kanya. At dahil inis din siya sa kasupladuhan nito, ipinangako niya sa sariling aalamin ang lahat tungkol sa sekreto ng sikat na modelo, pagkatapos ay isusulat niya iyon para malaman ng mga tao.
Ngunit tuwing may nalalaman siya tungkol kay Ace ay lalong nabubuhay ang pagnanais niyang makilala pa ito. Hanggang sa nangyari ang pinakahindi niya inaasahan: nahulog ang loob niya rito.
Bigla siyang natakot. Alam ni Coffee na walang kahahantungan iyon. Para kasi kay Ace ay isa lamang siyang makulit at pakialamerang reporter na gusto nitong ipagpag paalis ng buhay nito…