Love talaga kita kahit bata pa ako. Ikaw ang gusto kong i-kiss sa umaga, sa tanghali at sa gabi gaya nila Mommy at Daddy.

May pangakong binitawan ang pitong taong gulang na si Hannah sa binatilyong si Vincent: Vincent, kapag dalaga na ako, sa `yo ako magpapakasal kaya huwag kang makikipag-girlfriend sa ibang babae kapag binata ka na. Pangako, babalikan kita, basta hintayin mo lang ako.
Bagaman napakabata pa ni Hannah para magbitaw ng gayong pangako, pinanghawakan ni Vincent ang pangakong iyon.
Nagkahiwalay ang dalawa dahil kinailangang magtungo ang pamilya ni Hannah sa ibang bansa. Kahit nanatiling magkaibigan sina Vincent at Hannah ay tila nakalimutan naman ng dalaga ang binitiwan niyang pangako sa binata.
Hanggang dumating ang isang pagkakataon na muling nagkasama ang dalawa. Bumalik ang matatamis na alaala ng kanilang kabataan at ng masasaya nilang pagsasama bilang magkaibigan. Unti-unti ring nanumbalik ang batang pag-ibig ni Hannah para kay Vincent.
Subalit paano tutuparin ni Hannah ang pangako kay Vincent kung ang kanyang puso ay nakatali na sa iba?