“My heart has scars but I still consider it perfect because it is you who are inside it.”

Natagpuan si Eric sa tabing-dagat na walang malay at sugatan. Nang magkamalay, wala siyang maalala. Kinupkop siya ni Ursula, ang nagke-claim na nakakita at nagligtas daw sa kanya. Ang sabi ni Ursula, hinahanap daw niya ito. Ang basehan ng babae ay ang nakitang wallet niya na naglalaman ng ilang impormasyon tungkol sa babaeng hinahanap niya.
Hindi makapaniwala si Eric. Wala siyang makapang kahit anong damdamin para kay Ursula na puwedeng maging dahilan para hanapin niya ito. Ang nararamdaman niya, may hinahanap nga siya pero ibang babae. Isang babae na parang nakita na niya. May magandang mukha at boses. At naniniwala siyang ang boses nito ang nagpabalik ng malay niya.
Naalala ni Eric ang nabungarang babae nang magkamalay siya. May pakiramdam siya na matagal na niya itong kilala. Alam niya sa kanyang puso, ito ang babaeng matagal na niyang hinahanap.
Pero sa pagbabalik ng alaala niya ay maraming nalantad.
Hindi niya puwedeng mahalin si Ariel…