Ikaw ang nagbigay-kulay sa madilim kong mundo, ang nagturo sa aking magmahal muli.
Maganda, mayaman, at spoiled-brat si Grace. Ginagawa niya ang lahat ng pasaway na bagay upang mapansin siya ng kanyang mga magulang na walang ibang inaatupag kundi ang mga negosyo ng pamilya nila.
Hanggang isang aksidente ang nagpabago ng lahat. Sa aksidenteng iyon ay nawala ang kanyang paningin. Ngunit iyon din ang naging daan para makilala niya si Arvin, ang eye surgeon niya. Kakaiba ang sayang hatid ng binatang doktor sa kanya kapag nakakasama at nakakausap niya ito. She knew she was in love, at hindi na siya makapaghintay na makakita uli para masilayan na niya ito.
Pero si Arvin ay may isang masalimuot na nakaraan na pilit nitong kinalilimutan isang nakaraan na may kinalaman sa dating pag-ibig nito.
Makakaya kaya niyang pasukin ang nakasarang puso nito?