Minsan nang naloko si Leigh ni Miggy. Minsan na siyang napaniwala ng lalaki na siya ang bumago rito. Pero lahat ng iyon ay puro salita lang, dahil nalaman niya mismo ang panloloko ni Miggy. Kaya naman nang muli silang magkita ay todo-taas ang depensa niya.
At nang nagpupumilit itong bumalik sa buhay niya ay sinabi niya: “I loved you, Miggy, with all my heart. I trusted you. I believed that I really changed you. I gave you all the love I could give and when you chose to break my heart, I don’t know how to love anymore…”
Pero hindi natinag si Miggy, tuloy-tuloy lang sa pagsuyo sa kanya. Nagsimulang matakot si Leigh. Sinasabi ng isip niyang tama na, huwag na. Hindi na dapat siya magpauto sa ipinapakitang kabaitan at pagpupursige ni Miggy. Pero ang puso niya, patuloy ang paglambot tuwing nagkikita sila.
Sino ba ang susundin niya? Ang isip na nasa katwiran at pinapangalagaan ang kanyang puso? O ang pusong kinukumbinsi ang isip niyang nagbago na si Miggy at dapat na bigyan ng pangalawang pagkakataon?