Si piolo ang first love at first kiss niya. At hindi niya pagsisihan na tuluyan na niyang ibinigay ang sarili dito.

Labinlimang taon si Amparo nang maramdaman niya ang unang pag-ibig at unang halik. Si Piolo ang kanyang hinangaan, sinamba at pinangarap na makasama habambuhay. Ngunit mayaman ito at ayaw ng matapobreng mama nito sa kanya. At nasaktan ang batang puso niya nang iwan siya ng lalaki.
Pagkaraan ng mahigit sampung taon, nagkrus muli ang kanilang landas. At kahit isa na siyang sikat na modelo at sinasamba ng kalalakihan ay hindi nabago ang epekto ni Piolo sa kanya. Ngunit kailangan niyang maging matibay. Kung noon ay muntik nang may nangyari sa kanila, ngayon ay ipinangangako niya: Kahit ito pa ang kahuli-hulihang lalaki sa mundo, hindi niya ipagkakaloob ang sarili dito.
Ngunit ano ang ginagawa nito sa kanyang silid? Nakatayo ito sa kanyang harapan. At tila naghihintay lang siya sa susunod nitong hakbang.